KAMPUNI SITA ZALIPA MIL. 200/- WASIFILISIWE

FRIDAY, FEBRUARY 26 2016

 

KAMPUNI ya Udalali ya Yono Auction Mart, imekusan­ya sh. milioni 200 kutoka kwa kampuni zinazodaiwa kukwepa kodi ya Mamlaka ya Mapato nchini (TRA), baada ya kuto­rosha makontena na mizigo yao kwenye bandari kavu (ICD) ya Azam.

Fedha hizo zimelipwa na kampuni sita ambazo zimeitikia agizo la Serikali baada ya no­tisi ya muda waliopewa kulipa kuisha jana. Akizungumza na waandishi wa habari Dar es Salaam jana, Mwenyekiti wa Bodi wa Kampuni ya Yono, Stanley Kevela, alisema kam­puni 24 ziliisababishia Serikali hasara ya sh. bilioni 18 kwa kutorosha makontena bila kuyalipia ushuru.

"Kampuni yangu ilipewa kazi ya kuwafuatilia wadaiwa, hadi leo (jana), tumekusanya sh. milioni 200 kutoka kwa kampuni sita, pia tumekamata mali za kampuni mbili ambazo ni kontena tisa za bati pamoja na maghorofa," alisema Kevela.

Alisema kampuni 16 bado hazijatekeleza agizo la kulipa ushuru waliokwepa hivyo wa­naendelea kuzifuatilia ili fedha hizo ziweze kupatikana na ku­tumika kwa maendeleo ya nchi.

Alizitaja kampuni zilizolipa fedha hizo kuwa ni Zulea All, Omary Hossein, Libas Fashion, Ally Handani, Zuleha Alli na Issa Salim.

Kampuni ambayo Yono ime­kamata kontena zao tisa za bati na nyingine 45 zipo bandarini ni Tifo Global Trading Co. Ltd na kampuni ya Tuff Tryes General Co.Ltd ambayo mali zake zim­ezuiwa na maghorofa vikisubiri kunadiwa na fedha zitakazopa­tikana zitapelekwa serikalini